Søk stønad til innovasjonsprosjekt

Forskingsrådet lyser no ut midlar til innovasjonsprosjekt spesifikt for industri- og tenestenæringar. Denne ordninga kan vera svært relevant for hubbane og andre aktørar knytt til Grøn region Vestland.

“Formålet med denne utlysinga er å støtta bedrifter som saman med partnarar ønskjer å gjennomføra eit prosjekt som omfattar forskingsbasert innovasjon og/eller som skal demonstrera ny teknologi.

Prosjekta skal føra til samfunnsøkonomiske gevinstar ved at ny kunnskap og nye løysingar frå prosjektet blir tilgjengelege for fleire. Næringslivet har ei nøkkelrolle i arbeidet med å realisera ei berekraftig framtid. Styrkte konkurransekraft og innovasjonsevne er også viktig for å løysa store samfunnsutfordringar og for å utvikla fleire verdiskapande og berekraftige næringar. Me vil finansiera prosjekt som kan styrkja eksisterande næringsliv og danna grunnlag for nytt.” (Forskningsrådet, 2024).

Siste frist for innsending er 20. desember 2024. Midlar blir fortløpande delte ut til alle søknader er behandla og så langt budsjettet rekk.