Er bedrifta di klar til å lykkast med digitale moglegheiter?

Digital transformasjon er ikkje lenger ein luksus, men ei nødvendigheit. Anten det handlar om å oppgradera forretningsmodellar, forbetra prosessar eller levera smartare produkt og tenester, kan innovative teknologiar som kunstig intelligens, data og robotikk gi bedrifta di eit konkurransefortrinn. 

Me ønskjer derfor å invitera deg med på eit webinar der mentorar frå den europeiske digitaliseringshubben Oceanopolis fortel nærare om kva slags moglegheiter bedrifta di har for å få gratis mentorbistand til slike utfordringar. Webinaret blir ei blanding av presentasjonar og praktiske døme på korleis du kan kartleggja di bedrifts digitale modnad, til korleis de går fram for betre å lykkast med å få med tilsette på digitale utviklingsløp – til det beste for både lønnsemda til bedrifta og gode kundeopplevingar.

Meld deg på webinaret og oppdag korleis du kan:
✔️ Få gratis mentorbistand frå ekspertane i Oceanopolis-prosjektet
✔️ Kartlegge di bedrifts digitale modnad og potensiale
✔️ Inspirere og engasjera tilsette i digitale utviklingsløp
✔️ Auka lønnsemda og skapa betre kundeopplevingar

Webinaret er ei unik blanding av praktiske døme og ekspertinnsikt. Du vil læra korleis du kan testa og realisera nye digitale løysingar – same kvar i digitaliseringsreisa di bedrift er.

Korleis ligg vi an med måla våre, og er vi på rett veg for å nå de? 

Grøn region Vestland lanserte nyleg eit oppdatert verktøy for Vestland med full oversikt over hubbane, utsleppstal, barrierane og mykje meir. Seniorrådgjevar i Vestland fylkeskommune, Lene Borgen Waage, vil i dette webinaret gi oss ein fullstendig gjennomgang av verktøyet (dashboard).

“Kva kan industriell symbiose gjera for deg, og kva kan du gjera for industriell symbiose?”

Fredag 25. oktober er det tid for nytt webinar frå Grøn region Vestland. Denne gongen vil vi setja fokus på det mye omtalte omgrepet industriell symbiose. Dyktige Murat Mirata, førsteamanuensis ved Linköping Universitet, er ekspert på dette feltet og vil gi ein god og fagleg gjennomgang.

Webinaret er kl. 08:30-09:15, og vil vera på engelsk.

Du kan óg kopiere denne lenka for å komme til webinaret:

https://teams.microsoft.com/l/meetup-join/19%3ameeting_ZTBlOWE1ZTQtMzZjOC00NzRiLThjZWQtYTVhZjhjYzYyNDIy%40thread.v2/0?context=%7b%22Tid%22%3a%225b14945b-0f87-40dd-acf3-5e5e21e6eb36%22%2c%22Oid%22%3a%2279ed2d18-fede-42ff-b903-6a95a05dfeff%22%7d

Frå Vestland til verda

Er du klar for å gira opp og innta nye marknader? Under Innovasjonsuken OPP samlast ei rekkje bedrifter frå ulike bransjar for å dela erfaringane sine. Her får du servert både nye kontaktar, verktøy, kunnskap og inspirasjon.

Arrangementet er 18. september, og er to-delt. Konferansen vil skje 08:30-12:00, etterfølgd av lunsj. Frå kl. 13:00 brakar det laus med internasjonal møtebørs.

For aller første gong kjem alle dei internasjonale kontora til Innovasjon Norge til Bergen under Innovasjonsuken OPP. Dette er ei unik moglegheit for bedrifter med internasjonale ambisjonar til å læra meir om marknader av interesse. Her kan bedrifter få 1:1 rådgiving opp til 15 min med 3 ulike land.

Tilsette innanfor Eksportsenteret og EU-finansiering vil også vera til stades. Her er det låg terskel for å ta ein prat om EU-finansiering og eksport, og du kan få hjelp med eksport og handelstekniske spørsmål og råd.

Merk at arrangementet krev to ulike påmeldingar. Ein til konferansen, og ein til møtebørs. Begge er gratis.

Meld deg på konferansen her.
Meld deg på møtebørs her.

Dette blir innleiinga på rekka av webinar og digitale hub-møter i Grøn region Vestland hausten 2024. På dette første webinaret som er ope for alle, vil det bli orientert om relevante stønadsordningar frå Enova.

Påmeldingslenke og meir om webinaret finn du her.

Korleis oppmuntrer Grøn region Vestland industrien i fylket?

Grøn region Vestland vil vere til stades under Arendalsuka i år – som ein del av Vestland fylkeskommune sitt program under festivalen.

13. august kan du mellom anna møte fylkesvaraordførar Stian Davies frå Vestland fylkeskommune, Helene Frihammer, direktør i NHO Vestland og Tom-Christer Nielsen, næringspolitisk sjef i Bergen Næringsråd på frukostmøte i Arendal.

Møtet blir om bord på M/S Sandnes som vil vere ein flytande arrangementsstad for fleire aktørar frå Vestland under Arendalsveka.

Frukost blir servert frå kl 08.00.

Du kan sjå meir om arrangementet her:
Arendalsuka

Dei er våre fremste og største teknologieksportørar. Dei er ein motor i det grøne skiftet. Det er systemindustrien vi snakkar om. Dei utgjer nokre av dei mest teknologitunge industriverksemdene vi har i Vestland.

Grøn region Vestland, i samarbeid med GCE Ocean Technology, Bergen Næringsråd, Nordhordland Næringslag og fleire andre inviterer systemindustrien sjølve, folk frå forskings- og andre kunnskapsmiljø til dialogmøte.

Tid: 17. april 2024, kl 12 – 16.

Stad: Vestlandshuset i Bergen

Her vil vi konkret sjå på korleis vi kan utnytte teknologien, erfaringa og kompetansen som vi finn i systemindustrien til å lykkast med det grøne skiftet, men og sjå på kva systemindustrien treng for at den skal lykkast med sine ambisjonar.

Meir om konferansen og lenke for påmelding (innan 12. april) finn du her:

Kan systemindustrien løse det grønne skiftet? | GCE Ocean Technology

Fasilitatorsamling i Grøn region Vestland

Kva inneber det å vere midt i ein hub i Grøn region Vestland og vere hubkontakt og fasilitator? Kva er suksesskriteriane som skal til for å lukkast? Eit av de viktigaste områda som peikast på, er samarbeid. Men korleis få til dette i praksis? Det å legge til rette for å kunne jobbe frem desse felles satsingane krev kompetanse og erfaring. Dette ønskjer Grøn region Vestland å gjere gjennom eit fasilitatorprogram. Første del i dette er ei samling 15. mars i Bergen.

Grøn region Vestland inviterer hubkontakter til workshop saman med dei som driv og fasaliterer symbiosen i Kalundborg i Danmark. Dette er kanskje den leiande industrielle symbiosen i verda, med meir enn 50 år bak seg innan sirkulær produksjon.

I tillegg til å lære meir frå nokon av dei mest erfarne innan industriell symbiose, får du også høve til å bli kjent dei mest sentrale personane frå andre grøne hubbar, frå verkemiddelapparatet, klyngar og andre viktige aktørar i økosystemet og sjølvsagt oss i prosjektgruppa til Grøn region Vestland.

Her skal vi lære saman med dei beste!

Tid:  Fredag, 15. mars, kl 09.00 - 13.30

Stad: Scandic Ørnen, Lars Hilles gate 18 i Bergen

Fasilitatorsamlinga er meint for hubkoordinatorar i Grøn region Vestland. Dersom dette gjeld deg, men du ikkje har fått invitasjon, så skriv til oss på grv@vlfk.no

Velkommen!

Helsing frå oss i prosjektteamet til Grøn region Vestland

Nysgjerrig på grøne jobbmoglegheiter i Vestland? Tysdag 13. februar arrangerer Framtidsfylket Vestland og Utdanning i Bergen karrieremesse i Grieghallen.

I løpet av messa er det mogleg å delta på 30 minuttars seminar med ulike tema, mellom anna grøn omstilling. Grøn region Vestland er fasilitator for seminaret, og det vil handla om jobbmoglegheiter i hubbane. På scena får du høyre unge folk; Tiril som er trainee i Grøn region Vestland, Mari frå Bømlo Næringsråd og Michael og Tor-Erik som jobbar i hubben i Årdal.

Seminara krev påmelding. Les meir om karrieremessa, og meld deg på her.