Grøn region Vestland inviterer folk frå bedriftene ute i dei grøne hubbane i Vestland, våre hub-kontaktar og andre gode hjelparar og interesserte i det grøne skiftet i Vestland til hubsamling under festivalen Varmere Våtere Villere - i samarbeid med Danmarks ambassade i Noreg og rådgivningsselskapet COWI.
Del 2 av programmet er for dei som har fått særskilt invitasjon gjennom sine hubkontaktar. Dersom du er knytt til ein av hubbane i Grøn region Vestland, og ikkje har fått invitasjon, skriv til oss på grv@vlfk.no
Hovudtemaet for dagen blir:
Grøn industriell symbiose - erfaringar frå Danmark og Noreg
Det blir eit todelt program, der du på dagtid kan få vere med på å lære frå nokon som har jobba med grøn omstilling i industrien i mange år. På kveldstid vert det eit arrangement med eit meir sosialt preg med mat, mingling og ein paneldiskusjon om temaet "Frå sløysing til klimaløysing?".
Frå del 1 av programmet:
Velkomst ved handelssjef Ninna Katrine Sanden på Danmarks Ambassade, og Heidi Synnøve Gaustad, prosjektleiar i Grøn region Vestland
Fylkesordførar Jon Askeland om ambisjonane i Grøn region Vestland og bygging av verdsleiande grøne hubbar gjennom industriell symbiose
Erfaringar og læring frå GreenLab Skive v/Jakob Hebsgaard Mogensen og Kalundborg Symbiose v/Lisbeth Randers
Paneldiskusjon med norske og danske aktørar om kordan grøn industriell symbiose er ein del av det grøne skiftet
Del 1 av programmet vert på Kulturhuset i Bergen, Vaskerelven 8, den 14. mars, kl 12 - 16
I del 2 av programmet vil du få høve til å prate med folk frå dei andre hubbane, spise god tapas og utveksle idear og synspunkt med folk frå andre hubber og bedrifter som også jobbar med å realisere deling av ressurser og industriell symbiose.
I tillegg blir det ein debatt om temaet: «Frå sløysing til klimaløysing» - korleis ein kan løse klimakrisa gjennom industriell symbiose?". Denne delen vil vere open for publikum
Del 2 av programmet vert på Nøsteboden, Nøstegaten 32 i Bergen, den 14. mars kl 16 - 21.30. Nøsteboden ligg berre få minuttar å gå frå Kulturhuset. i Vaskerelven.
Du vel sjølv om du vil vere med på ein eller begge delane av programmet.
NB! Samlinga er gratis, men den einskilde må sjølve dekke reise og opphald.
Velkommen!
Helsing frå oss i prosjektteamet for Grøn region Vestland